Жалал-Абад шаарында өткөн " Сөз эркиндиги жана маалымат коопсуздугу" аталышындагы "тегерек стол" жыйынында массалык маалымдоо каражаттары эл аралык стандарт менен иштөө керектиги ырасталды. Жыйында талкууланган маселелер боюнча резолюция кабыл алынды.
Укук коргоо органдары жана бейөкмөт уюмдар катышкан иш чара учурунда журналисттерди такталбаган, улут аралык жана региондук бөлүнүүгө жол берген маалыматтарды чагылдырбоо чакырыгы айтылды. Жыйын катышуучулары Кыргызстандын маалымат саясатынын концепциясы талкууга чыгарылып, элдик талкуудан кийин гана бекитилиши керектигин билдиришти.
"Тегерек стол" жыйынын шаардык мэриянын маалымат борбору уюштурган.(RsK)
