Линктер

logo-print
дүйшөмбү, 5-декабрь, 2016 Бишкек убактысы 18:49

Кыргыз өкмөтүнүн аппаратынын эл аралык кызматташтык бөлүмүнүн мурдагы башчысы Алтынбек Муралиев 12 жылга кесилди. 17-майда Бишкектин Биринчи Май райондук соту ушундай өкүм чыгарганын Жогорку Соттун маалымат катчысы Айнура Токтошева "Азаттыкка" билдирди:

- Муралиев Кыргыз Республикасынын "Кылмыш кодексинин" 292-беренеси (мамлекеттик чыккынчылык) боюнча айыпталып, 12 жылга кесилди. Мүлкү конфискацияланат. Жаза өтөө мөөнөтү күчөтүлгөн режимде өтөт.

Алтынбек Муралиев башка өлкөнүн пайдасына тыңчылык кылган деген кине менен кармалып, атайын кызматтын тергөө абагына 2014-жылдын 1-ноябрында камакка алынган.

Ага УКМК кызматтык жашыруун сырды чет өлкөгө берген деген берене менен кылмыш иш козгогон.

Тергөө жана сот процесстери башынан аягына чейин жабык өттү.

Алтынбек Муралиев Кыргызстандын мурдагы премьер-министри Амангелди Муралиевдин уулу. (RK)

Азаттык Фейсбукта

пикирлерди көрсөт

XS
SM
MD
LG