Бул тууралуу Нарын облустук үй-бүлөлүк медицина борборунун директорунун дарылоо иштери боюнча орун басары Гүлмира Алакаева билдирди. Төрөттөн каза тапкан 29 жаштагы Махабат Мусаева Нарын шаарындагы төрөт үйүнө 27-апрель күнү келип, 28инде операция жолу менен көз жарган. Ымыркайдын дени сак төрөлгөнү менен эненин абалы оор бойдон калган. Кайра жандандыруу бөлүмүнө алып барганына карабай, эне эсине келбей 7-май күнү көз жумган.
Өлүмдүн себебин териштирген облустук комиссия “ишине шалаакы мамиле кылды” деген негиз менен Куланак айылындагы аймактык оорукананын үч кызматкерин иштен алды. (MiK)
