Мектеп бүтүрүүчүлөрүн ташып бара жаткан төрт лимузин Кайгуул-күзөт башкармалыгынын токтотуучу жайына коюлду. Алар жолдо жүрүү эрежелерин бузганы үчүн ушундай айыпка жыгылган. Бул тууралуу Бишкек ШИИБнан маалымдашты.
27-май күнү өлкөдөгү бардык мектептерде Акыркы коңгуроо салтанаты болгон. Кайгуул-күзөт кызматы буга байланыштуу рейд жүргүзүп, жол кыймылынын бузулуусунун алдын алуу чараларын көрдү. Маалыматка ылайык, акыркы коңгуроо кагылган күнү бүтүрүүчүлөр жүрүп бараткан автоунаалардын терезесинен белине чейин чыгып алышат, карама-каршы багыттагы жол менен айдашат, мунун баары кыйкырык-сүрөөн менен коштолот.
Быйылкы окуу жылында Кыргызстанда 62 миңге жакын окуучу 11-классты жана 93 миңге жакын улан-кыздар 9-классты аяктайт.(ZKo)
