Линктер

logo-print
дүйшөмбү, 05-декабрь, 2016 Бишкек убактысы 02:56

Кадамжайда селдин кесепеттерин аныктоо иштери уланууда


Сел жүргөн жер

Сел жүргөн жер

Райондун акиминин орун басары Жаныбек Исаковдун “Азаттыкка” билдиргенине караганда, учурда селдин кесепеттерин жоюу жана аныктоо иштери жүрүп жатат:

- Жолду тазалоо, сел жууган жерлерди ачуу боюнча бардык иштер жүрүп жатат. Биз да иштебиз. Селге агып кеткен баланы издөө үчүн жергиликтүү эл да чыгып, жардамдашып жатат.

Маалыматтар боюнча, 28-май күнү кечинде катуу жааган нөшөрдөн кийин дагы сел жүрүп, Жийделик айылындагы ички көпүрөнү агызып, эки зым карагайды бузуп кеткен.

Ал эми 27-май күнү таш аралашкан сел аккан Кадамжай-Айдаркен жолун тазалоо иштери уланууда. Жол бүгүн түштөн кийин ачылышы ыктымал.

27-май күнү кечке жуук Кадамжай-Айдаркен жолунда таш аралашкан катуу сел жүрүп, “Опел-Фронтера” автоунаасы оодарылып кеткен. Ичиндеги беш киши набыт болгон, алардын бири эки жаштагы наристе экени аныкталды. Унаадагы бир бала, үч жаштагы Элдар Жороев дайынсыз болууда. 28-майдагы издөө иштеринде баланын кийимдери табылган. Үчүнчү бала –алты жаштагы Зарипбек Нурлан уулу куткарылган.

Селден набыт болгондордун үй-бүлөлөрүнө президент Алмазбек Атамбаев көңүл айтып, ар бирине 100 миң сомдон бөлдү. Өкмөт башчы Сооронбай Жээнбеков кырсык болгон аймакка барып, өлгөндөрдүн жакындары менен жолукту. Өкмөттүк фонддон да акчалай жардам берилди.(ZKo)

Азаттык Фейсбукта

XS
SM
MD
LG