Түркия-Орусия ортосунда чечилбес көйгөй жоктугун түрк вице-премьер-министри Нуман Куртулмуш 30-майда Анкарадагы маалымат жыйынында билдирди.
Вице-премьер эки тараптуу байланыш “кыска аралыкта” калыбына келтирилерин белгиледи.
27-майда Орусия президенти Владимир Путин да Түркия менен мамилесин оңдоо ниетин билдирген.
Эки өлкөнүн мамилеси Түркия аба мейкиндигин бузду деп негиздеп, өткөн жылдын ноябрында орусиялык Су-24 аскер учагын атып түшүргөндөн кийин кескин муздаган.
Ошондон кийин Орусия Түркияга бир катар экономикалык санкцияларды киргизген.
