Линктер

ишемби, 10-декабрь, 2016 Бишкек убактысы 09:46

Батыш-Казакстан облусунун Теректи районунун мурдагы акими Женис Сериккалиев көңүлдөшүн өлтүргөнгө аракет жасаган деп шектелип кармалды. Орол шаар соту тергөө бүткүчө аны эки айга камакка алды.

Февраль айында бычактан ондон ашуун жаракат алган келин ооруканага кайрылган. Тергөөнүн билдиришинче, келин Сериккалиевден уулдуу болгонун айтып, аталыкты таанууну талап кылган.

Ал эми аким Сериккалиев райондук турак жай-коммуналдык чарбасынын жетекчисинен 500 миң теңгеге келинди өлтүрүүнү тапшырганын тергөө белгилейт. Кол салууну аткаргандар да учурда камакта.

38 жаштагы Женис Сериккалиев 2013-жылдан бери Теректи районун жетектеп, быйыл майда өз арызы менен кызматынан бошогон болчу.

Азаттык Фейсбукта

пикирлерди көрсөт

XS
SM
MD
LG