Бул тууралуу Мамлекеттик чек ара кызматынан кабарлашты. Маалыматка ылайык, өткөн түнү Кадамжай районундагы Пионер лагерь деген жерде 10го жакын белгисиз адам Кыргызстандын аймагына жакындап келген.
Чек арачылардын аларды токтотуу боюнча буйругуна баш ийбегенинен улам, эскертүү иретинде абага ок атылган. Ушундан кийин белгисиз адамдар Өзбекстандын аймагына кирип, качып кетишкен.(BkA)