Линктер

logo-print
ишемби, 03-декабрь, 2016 Бишкек убактысы 23:49

Түркиянын президенти Режеп Тайып Эрдоган Орусияны Күрт жумушчу партиясын курал менен камсыздап жатат деп айыптады.

Түрк маалымат каражаттары билдиргендей, Эрдоган Москва Ирак менен Сирия аркылуу курал-жарак өткөрүп жатканын айткан. Түрк бийлигинин өкүлдөрү президенттин мындай сөзүн ырасташты.

Буга жооп иретинде Орусиянын тышкы иштер министринин орун басары Михаил Богданов "айтылган сөздөр далилдениши керек”, - деп билдирди. Эрдоган мындан мурда да Сириядагы күрттөрдү колдоп жатат деп Москваны сындап келген.

Былтыркы жылдын ноябрында түркиялык аскерий-аба күчтөрү орусиялык учакты атып түшүргөндөн кийин эки өлкө ортосундагы мамиле кескин начарлап кеткен. Окуядан кийин Орусия Түркияга каршы экономикалык санкцияларды киргизип, эки тараптуу сооданын көрсөткүчтөрү төмөндөгөн.

Азаттык Фейсбукта

XS
SM
MD
LG