Бишкектеги Фучик көчөсүндө май ташыган унаа өрттөнүп жатат. Бул тууралуу Өзгөчө кырдаалдар министрлигинен кабарлашты. Маалыматка ылайык, 18.20лар чамасында Бишкек шаарындагы май ташыган унаанын өрттөнүп жатканы боюнча кабар келип түшкөн.
Окуя болгон жерге өрт өчүрүүчүлөр дароо чыгып, учурда алты өрт өчүрүүчү машине иштеп жатат. Мындан сырткары бир бригада куткаруучулар тартылды. Азырынча кырсыктын себеби жана жабырлануучулар тууралуу так маалымат жок.(BkA)
