Жалал-Абад облусундагы 20 айыл өкмөттүн 1916-2016-жылдар аралыгындагы 100 жылдык тарыхы иликтенип, энциклопедия катары жазыла баштады. Бул тууралуу "100 жылдык Кылым китеби" аталышындагы журналисттер корпусунун жетекчиси Самаган Орозалиев “Азаттык” радиосуна билдирди. Китеп жазуу Тарых жана маданият жылынын алкагында ишке ашып, аны Жогорку Кенештин бир топ депутаттары жана Улуттук улуу курултай институту колдоого алууда.
Учурда журналисттер, жазуучулар жана тарыхчылардан турган топ айылдарда эл менен сүйлөшүп аймактагы тарыхый жерлер жана улуу инсандар тууралуу маалымат топтоп жатышат. (RsK)
