Ооганстандын чыгышындагы мечиттеги жардыруудан кеминде төрт киши мерт болуп, 40тан ашууну жараат алды. Жардыруу Нангархар провинциясында Хисара аталышындагы айылда орун алган. Айылдын тургундары жума намазга чогулган кезде каргаша болгон. Өлгөндөрдүн арасында мечиттин имамы да бар. Өлкөнин ички иштер министрлиги “жардырууну ооган элинин душмандары уюштурду” дегени менен жоопкерчиликти эч ким өзүнө ала элек.
