Линктер

жекшемби, 11-декабрь, 2016 Бишкек убактысы 06:36

Жалал-Абад: облус бийлиги элди жергиликтүү аба каттамын пайдаланууга чакырды


Жалал-Абад аба бекети.

Жалал-Абад аба бекети.

13-июнда ишке киришкен Бишкек-Жалал-Абад-Бишкек аба каттамы аркылуу учкан жүргүнчүлөр аз болду. Жалал-Абад шаардык мэриясы билдиргендей, British Aerospace-140-200 үлгүсүндөгү 100 орундуу учак менен кечээ Бишкектен 12 адам гана учуп келген. Эгерде жүргүнчүлөр көп болсо, аталган каттам бир жумада эки жолу жүргүзүлөт. Жакынкы күндөрү Ысык-Көлгө да каттамдар уюштурулат. Билеттин баасы 2700 сом, ал эми пенсионерлерге 2400 сомдон сатылууда.

Каттамдын кайра токтоп калбашы үчүн шаар бийлиги облус тургундарын Ош аэропорту аркылуу эмес, Жалал-Абаддан учууга чакырууда.

Бишкек-Жалал-Абад каттамы 2015-жылдын декабрында уча баштап, үч айга жетпей кайра токтоп калган. Жалал-Абад шаарындагы аэропорт талапка жооп бербейт жана жүргүнчү аз деген жүйө менен бул каттам мурда да бир канча жолу ишке кирип, кайра токтоп калып турган. (RsK)

Азаттык Фейсбукта

пикирлерди көрсөт

XS
SM
MD
LG