Немис прокурорлорунун маалыматына ылайык, 22-июнда өлкөнүн батыш аймагында тажикстандык Мухаммадсаид аттуу жаран колго түштү. Аты-жөнү толук айтылбай жаткан 30 жаштагы шектүү Сирияда “Ислам мамлекети” экстремисттик тобунун курамында согушканы айтылууда. Ал видеокайрылуулар менен тажикстандыктарды “Ислам мамлекети” тобуна кошулууга үндөгөн. Шектүү жаран Сириядагы качкындарга кошулуп, Германияга келген болуу керек.
Ирак жана Сириядагы экстремисттик топтордун катарында жүздөгөн тажик жарандары бар экени расмий кабарланган. (SE)
