Эгембердиевди ээрчиген Азиз

Азиз өзү жашаган үйүн турист тосконго ылайыктап жасаганына эки жылдан ашкан. Аны маркум ишкер Табылды Эгембердиевдин ишин улаган, тоо туризмин өргө тартууда десек да жарашчудай. 21 жашта экенине карабай Чоң Кеминдеги конок үйүн иштетип, эс алуучуларды тартуу менен алек. Азиздин үй-бүлөсү турист тосуу үчүн турак жайына евроремонт деле жасаган эмес. Бардыгы жөпжөнөкөй жыгач, таштан салынган. Жадагалса чет өлкөлүк туристтер жатчу керебеттер да кадимки карагай калдыгынан куралган.