Линктер

Тажикстанда Улуттук биримдик күнү белгиленүүдө


Тажикстанда бүгүн, 27-июнда Улуттук биримдик күнү белгиленүүдө.

Жекшембиде Тоолуу-Бадахшан облусундагы майрамдык иш-чаралар президент Эмомали Рахмондун катышуусунда өттү.

Эл менен жолугушууда Рахмон аймактын жаштары террорчул топторго көп азгырылып жатканын белгилеп, ата-энелерди жана бийликти “балдарды жаман жолдон кайтарууга” чакырды.

Улуттук биримдик күнү 1998-жылы негизделген. Бул күн өлкөдө беш жылга созулган жарандык согуш аяктап, тынчтык орногон күн катары белгиленет.

1997-жылы дал ушул күнү Тажикстан өкмөтү жана мурдагы Бирдиктүү оппозиция өкүлдөрү Москвда тынчтык келишимине кол коюшкан.

Коңшу өлкөдөгү жарандык согуш 120 миңден ашуун адамдын өмүрүн алган.

XS
SM
MD
LG