Линктер

шейшемби, 6-декабрь, 2016 Бишкек убактысы 20:12

Медведев Түркиядан санкцияларды алууну тапшырды


Орусиянын премьер-министри Дмитрий Медведев.

Орусиянын премьер-министри Дмитрий Медведев.

Орусиянын өкмөт башчысы Дмитрий Медведев Түркияга каршы киргизилген санкцияларды алуу үчүн чара көрүүнү тапшырды. Анын айтымында, экономикалык чектөөлөр акырындап, орус компанияларына кедергисин тийгизбегидей болуп алынышы керек.

Өкмөт жыйынында премьер-министр ошондой эле Түркиянын курортторуна авиакаттамдарды жандандыруу керектигин билдирди.

Кремль болсо Орусия менен Түркиянын ортосундагы “Түштүк агым-2” газ куурунун курулушу боюнча сүйлөшүүлөрдү жандандыруу тууралуу азырынча сөз кылуу эрте экенин билдирди.

Эки өлкө ортосундагы алака 2015-жылдын 24-ноябрында аба мейкиндигибизди бузду деп Түркия орусиялык аскер учагын атып түшүргөндө бузулган.

Орусия Түркияга экономикалык санкция салып, өз жарандарын Түркияда эс алуусуна тыюу салган. Түркиялык азык-түлүктөрдү алуудан баш тарткан. Экономикалык долбоорлор токтотулган эле.

Мамиле 27-июнда Түркия президенти Режеп Тайип Эрдоган орусиялык учкучтун үй-бүлөсүнө көңүл айтып, Орусия президенти Владимир Путинге кат жазгандан кийин калыбына келе баштаган.

29-июнда Эрдоган менен Путин телефондон сүйлөшүп, ымаланы бекемдөөнү, көзмө-көз жолугушууну да талкуулашты.

Азаттык Фейсбукта

пикирлерди көрсөт

XS
SM
MD
LG