Ысык-Ата районунун кичинекей тургуну Нуржигитке Жапониядан өзү жүрүүчү араба тартууланды. Аны Жапониядагы кыргызстандык Авазбек Өмүрзаков берип жиберген. Жаңы арабанын Кыргызстанга жетиши кыйла убакытты алды. Электромобил арабаны 5-июлда Авазбектин инилери менен чогуу “Азаттыктын” кабарчысы Сабыр Абдымомунов Нуржигитке жеткирип берди.
Ысык-Ата районунун Эпкин айылынын баса албаган алты жаштагы тургуну Нуржигит тууралуу “Азаттыктын” кабарчысы Сабыр Абдумомунов май айында видео-тасма жарыялаган. Ошондон кийин ага жардам берүүнү каалагандар көбөйүп, "Кыргызстан" коммерциялык банкынан баланын энеси Миргүл Сагынбек кызынын атына эсеп ачылды.
Нуржигиттин апасы Миргуль Сагынбек кызынын атына АКБ-Кыргызстан банкында ачылган эсеп: SWIFT: KYRSKG22, BIC: 103001, эсеп номуру: 1030120206683790; 1030120206683790. (ZKo)