Өзбекстандын Жизак облусунун 32 жаштагы тургуну Виолетта Куразова чочко багууга камынып жатканы үчүн айылдаштары аны кыштактан көчүп кетүүгө мажбурлап жатышканын “Азаттык” радиосунун өзбек кызматына билдирди. Ал Галларал районундагы үйүнө чочко багуучу ферма ачууну пландаган. Бирок 30-июнда айыл активисттери милиционерлер менен келип, ага нааразылык билдиришкен жана кыштактан көчүп кетүүсүн талап кылышкан. Жергиликтүү бийлик азырынча бул тууралуу комментарий бере элек.
Өзбекстанда чочко баккысы келген аялды көчүп кетүүсүн талап кылышууда
