Линктер

Аксыдагы талаштуу жер Өзбекстандыкы деген маалымат так эмес


Комиссия тактап жаткан Аксыдагы Сөгөт участогу.

Комиссия тактап жаткан Аксыдагы Сөгөт участогу.

Аксы райондук мамлекеттик администрациянын аппарат жетекчиси Алтынбек Кутманов Сөгөт айылындагы талаш жер Өзбекстандыкы болуп чыкты деген сөзүн кайра өзү төгүнгө чыгарды. Бул тууралуу ал "Азаттык" радиосуна кабарлап, жаңылышып маалымат айтып алганын айтты. Анын билдиришинче, талаштуу маселе боюнча делимитация жана деморкация менен алектенген адистер расмий маалымат берет. Кутманов айткан сөзүн жалганга чыгарууга эмне себеп болгонун тактаган жок.

12-июлда буга чейин талаш жаратып жаткан тилке Өзбекстанга таандык болуп чыкканын Алтынбек Кутманов “Азаттыкка” кабарлаган болчу. Буга 2003-жылдагы өкмөттүн протоколун негиз келтирип, ага 2006-жылы ошол учурдагы өлкө башчысынын Ташкенге сапарында кол коюлганын, андыктан кыргызстандык жарандар иштетип келген тилке өзбек тарапка тиешелүү экенин, бирок бул маселе өкмөттүк деңгээлде каралып дагы такталмайынча ал участкага эч ким кирбей турганын ​белгилеген.

28-июнда кыргызстандыктар чөп чапкан жайыт жерге өзбек чек арачылары кирип келип, аларды чыгарып салышкан. Бул окуядан соң эки тараптан тең жумушчу комиссия иштей баштаган.

Алтынбек Кутмановдун айткандарына жергиликтүү эл нааразы болуп жатышат. Талаштуу тилке 2,5 гектар. Кашка-Суу айыл өкмөтүнүн башчысы Улукбек Керимкуловдун маалыматында, бул жер Кыргызстанга таандык. Ошондой эле айыл өкмөттүн карамагында экени документтерде көрсөтүлгөн. (NT/RsK)

пикирлерди көрсөт

XS
SM
MD
LG