Токтогул Үч-Терек айылында катуу жааган жаандан сел жүрдү. Бул тууралуу Өзгөчө кырдаалдар министрлигинен кабарлашты. Маалыматка ылайык, 14-июль күнү кечинде Кызы-Ураан айылында кокту-колоттордон түшкөн суу сегиз үйдүн короолорун каптаган.
Ошондой эле ички чарбалык жолду шагыл-таштар басып, жол каттамга кыйынчылык жаралган. Жол каттамы жабылган эмес. Адам өмүрүнө зыян келген эмес.
Жергиликтүү жарандык коргонуу комиссиясы тактоо иштерин жүргүзүүдө.(BkA)
