Полициянын Брюссель борборундагы ири операциясынан улам дүкөндөр менен көчөлөр жабылып, тургундар эвакуацияланган эле.
Коопсуздук күчтөрү кышкы пальточон жана андан электр зымдар чыгып жүргөн шектүү адамды курчап, ага курал кезеп турушкан. Бирок жергиликтүү медианын кабарына караганда ал коомго коркунуч туудурбаган физик студент болуп чыкты.
Бельгияда былтыр ноябрдан бери эле террор коркунучунун экинчи деңгээли сакталууда.
Быйыл 22-мартта эки жардыруудан Брюсселде 32 кишинин өмүрү кыйылган. 21-июлдагы Көз карандысыздык майрамын утурлай өлкөдө соңку күндөрү коопсуздук чаралары күчөтүлгөн эле. (UE)
