Кыргыз эл артисти, балетмейстер Берик Алимбаев 79 жашында дүйнө салды. Маркумду акыркы сапарга узатуу зыйнаты 22-июлда Бишкектеги Улуттук академиялык опера-балет театрында өтөт. Бул тууралуу Маданият, маалымат жана туризм министрлиги кабарлады.
Белек Алимбаев 1936-жылы Фрунзе шаарында төрөлгөн. 1947-жылга чейин балдар үйүндө чоңоюп, андан соң Ленинграддагы хореографиялык окуу жайга тапшырган.
Маркум “Ак куу көлү”, “Ромео жана Жульетта” сыяктуу белгилүү чыгармалардын башкы партияларын аткарган. Чет элдерде өткөн фестивалдарда кыргыз балетин даңазалаган.
