Кыргызстанда кооптуу жөргөмүштөрдүн бири саналган каракурт көбөйө баштаганы айтылууда. Бул тууралуу Улуттук илимдер академиясынын адиси Дмитрий Милько билдирди. Адистер бул жаатта изилдөө жүргүзүп, анын кооптуулугу боюнча лабораториялык текшерүүлөрдү өткөрүп жатат.
-Кыргызстанда жөргөмүштүн 600дөн ашуун түрү бар. Көбөйгөн жандык каракурт экенин байкаш үчүн терең изилдешибиз керек,- деди Милько.
Каракурт уулуу жөргөмүш болуп эсептелет. Адистердин айтымында, ал кооптуу абалда калган учурда гана адамды чагышы мүмкүн.
