Премьер-министр Сооронбай Жээнбеков бүгүн Талас облусуна барат. Анын жүрүшүндө Тараз-Талас автожолунун оңдолушу, Талас шаарындагы ветеринардык борбордун абалы менен таанышып, малды идентификациялоо боюнча иштин аткарылышы жана Кара-Буура районундагы логистикалык борбордун, фермердик чарбанын ишинен кабар алат.
Ошондой эле кыргыз-казак чек арасындагы «Чоң-капка» көзөмөл өткөрүү пунктуна барат, Кара-Буура районундагы «Сарымсак» каналын оңдоп-түзөө иштерин, облустук драма театрдын курулушун текшерет. Бул тууралуу өкмөттөн кабарлашты. (NT)
