Алар бүгүн кармалган митингчилерди бошотууну талап кылышууда.
26-июлда Бишкектеги Горький атындагы гүлбакта турак жайга муктаждар митингге чыгышкан. Алар өкмөттөн элди арзан турак жай менен камсыз кылууну талап кылышкан.
Акцияга чыккандардын бири Асел Өмүрованын “Азаттыкка” билдиришинче, алар өкмөт үйүнө жөө жүрүш кылууну максат кылышкан. Митингчилер милиция кызматкерлери аларды негизсиз түрдө күч колдонуп кармап кетишкенин айтышууда. Бишкек ШИИБ алар коомдук тартипти бузганы үчүн кармалышканын билдирген. (ZKo)
