Кыргызстандын туристтик жерлери тууралуу маалыматтарды камтыган туристтик сайт иштелип чыкты. Бул тууралуу Бишкекте сайттын ачылышына арналган иш чарада Туризм департаментинин директору Азамат Жаманкулов билдирди. Ал сайттын ачылышын маанилүү окуя деп атап, бул сайттан чет өлкөлүк туристтер Кыргызстан тууралуу керектүү маалыматтарды алууга мүмкүн экенин билдирди.
www.discoverkyrgyzstan.org дарегиндеги сайттан Кыргызстандагы туристтик жерлер, багыттар, тарыхый эстеликтер жана башка кызыктуу маалыматтар англис, орус, түрк, кытай, араб жана кыргыз тилдеринде алууга болот.(BkA)
