Бишкек-Нарын-Торугарт автожолунун 131-чакырымында таш кулады. Алдын ала маалыматтар боюнча, эч ким жапа чеккен жок. Транспорт жана жолдор министрлигинен “Азаттыкка” маалымдашкандай, жергиликтүү жолчулар таштарды тазалап жатат. Учурда жол бир тараптуу ачык.
30-июлдун түнүндө Боом капчыгайында таш кулап, жолдо бараткан автоунаага түшкөн. Натыйжада бир киши мерт кетип, айдоочу жаракат алган. (ZKo)
