Жалал-Абад облусунун Чаткал районунда 6-августтагы нөшөрлүү жаандан улам сел жүрүп, 15 чакты үйдү, сарайларды жана короолорду суу каптады. Табият кырсыгы Терек-Сай айылындагы Мурзабеков көчөсүндө болгонун Өзгөчө кырдаалдар министрлиги кабарлады.
Ошондой эле Терек-Сай суусу ташкындап, Ала-Бука-Чаткал жолундагы эки көпүрөнү бузуп кеткен.
Синоптиктер ушул күндөрү тоолуу аймактарды сел коркунучу жогору экенин эскертишкен.
