21-22-августта жазуучу, драматург Султан Раевдин “Ханышанын көз жашы” пьесасынын англисче премьерасы Улуу Британия борборунда өтөт. Спектаклде Лондондун даңазалуу Спейс театрынын актерлору ойношот. Бул тууралуу space.org веб сайты жазып чыкты. Театрлардын интернет афишаларын сунуштаган бул веб сайттын маалыматына караганда, спектаклдин продюсери – Жозеф Сэндерс. Башкы каарман - Курманжан Датканын ролу Кэти Тревелян аттуу актрисага, ал эми Караандын ролу Энтони Офоеджбуга берилген. (BCh)
