Бул туурасында бүгүн “Азаттыкка” Жаза аткаруу кызматынын басма сөз кызматы билдирди. Маалыматка караганда 1995-жылы туулган Айбек аттуу жаран телефонду алдап алган деген айып менен тергөөдө болчу. Ал кургак учук дартынан жабыркагандыктан атайын камерада дарыланып жаткан. Камералаштары мончого бара жатканда Айбек өзүн начар сезип жатканын айтып калып калган. Кийинчерээк ал камеранын ичинде шейшепке муунган жеринен табылган. Ушул тапта окуя иликтенип жатат. (AzK)
