Бул туурасында “Азаттыкка” саясатчы Азимбек Бекназаров билдирди. Ал Эгемендик күнүнө чукул Убактылуу өкмөт мүчөлөрү билдирүү менен чыгарын, 8 мүчөнүн ичинде экс-президент Роза Отунбаева дагы бар экендигин кошумчалады.
Алар кайрылуунун көчүрмөсүн президентке жолдой тургандыгын билдиришти.
“Бийликти узурпациялоого жол жок” кыймылы уюштурган жыйынга Башмыйзамды өзгөртүүнү демилгелеп жаткан жана ага каршы чыгып жаткан фракциялардын лидерлери, жарандык активисттер чакырылган. "Тегерек үстөлдүн" уюштуруучулары Конституцияны өзгөртүү демилгеси менен бийлик өлкөдөгү туруктуулукту бузуп жатканын эскертүүдө.(AzK)
