Линктер

Өзбек ТИМи кыргыз элчиси менен жолукту


Кыргызстандын Өзбекстандагы элчиси Данияр Сыдыков.

Кыргызстандын Өзбекстандагы элчиси Данияр Сыдыков.

Өзбекстандын Тышкы иштер министрлиги Ташкендеги Кыргызстандын элчиси Данияр Сыдыков менен жолугушуу өткөрдү. Бул тууралуу Өзбекстандын Тышкы иштер министрлигинин маалымат кызматы кабарлады.

Жолугушуу 25-августта өтүп, анда эки тараптуу алакадагы айрым меселелер талкууланды.

Кыргызстан менен Өзбекстандын мамиле-катышы 22-августтан бери жогорку бийликтин көңүл борборунда турат. Талаштуу маселени тынч сүйлөшүүлөр аркылуу чечүү Өзбекстан тик учак аркылуу Үңкүр-Тоодогу такталбаган аймакка 7 милиция кызматкерин түшүргөндөн бери ишке ашпай келатат.

Кыргызстандын тактала элек аймактан милицияны чыгаруу тууралуу талабын эске албай Өзбекстандын ички иштер министрлиги Үңкүр-Тоодогу радиорелейлик станцияда иштеген 4 кыргыз кызматкерин кармап кетти. Бул аракетти өзбек милиициясы кыргызстандык байланыш кызматкерлери Өзбекстандын аймагында жүргөндүгү менен түшүндүрүүдө.

Учурда Чек ара жана Тышкы иштер министрлигинин деңгээлинде сүйлөшүүлөр уланууда. (SDz)

пикирлерди көрсөт

XS
SM
MD
LG