Линктер

дүйшөмбү, 20-февраль, 2017 Бишкек убактысы 08:14

Лавров Москвадагы өрт кырсыгына жооптуулар жазаланарын билдирди


Өрттөн курман болгон кыз-келиндер.

Өрттөн курман болгон кыз-келиндер.

Орусиянын тышкы иштер министри Сергей Лавров бул тууралуу 28-августта кыргызстандык кесиптеши Эрлан Абдылдаев менен телефон аркылуу сүйлөшкөн учурда билдирди. ТИМден маалымдашкандай, Лавров өрттө каза тапкан он төрт кыз-келиндин жакындарына көңүл айтып, кырсыктын чоо-жайы дыкат иликтенерин жана анын жыйынтыгында күнөөлүүлөр жоопко тартыларына ынандырды.

Өз кезегинде Кыргызстандын тышкы иштер министри Эрлан Абдылдаев кырсыктын себептери тез арада аныкталат деген ишенимде экенин айтты.

Москвадагы өрт 27-августта эртең менен "Печатный экспресс" басмаканасына таандык кампада чыккан. Биринчи кабаттан лифттин шахтасы аркылуу төртүнчү кабатка чейин тарап, ал жакта жумушка келип кезек алмашып жаткан кыз-келиндер калып калган.

Өрттү өчүрүүгө төрт сааттан ашык убакыт кеткен. Тилсиз жоодон он жети адам набыт болду, анын он төртү кыргызстандык.

Сиздин пикир

пикирлерди көрсөт

Азаттык Фейсбукта

XS
SM
MD
LG