ӨКМдин берген маалыматы боюнча, 27-августта Бишкек-Ош жолунда эки унаанын кагышуусунан тогуз киши набыт болуп, бир гана алты жаштагы бала аман калган. Ал ооруканада, абалы оор, бирок туруктуу деп бааланууда.
Каза болгондордун арасында 14 жаштагы секелек кыз, төрөлгөнүнө эки жума боло элек эгиз ымыркайлар болгон.
Маалыматтарга ылайык, Таласты көздөй бара жаткан “Митсубиси” автоунаасында каза болгон төрт киши туугандар болуп чыккан. Ал эми экинчи автоунаа Бишкекти көздөй келе жаткан “Фольксваген” унаасында толук бир үй-бүлө болгон.(ZKo)
