Линктер

Чүй райондук милиция кызматкерлерине кылмыш иши козголду


Чүй райондук Ички иштер бөлүмүнүн ыкчам иликтөө тобунун өкүлүнө жана участкалык инспекторуна кылмыш иши козголду. Башкы прокуратура билдиргендей, алар шектүүгө зомбулук көрсөткөн деп күнөөлөнүп жатышат.

Маалыматка караганда, 2015-жылдын 6-майында алар Сайлык айылынын тургунун милиция бөлүмүнө алып келишип, уурулукту моюнга алдыруу максатында аны кыйнашкан. Медициналык экспертиза муну тастыктаган.

Бул окуяга байланыштуу Кылмыш-жаза кодексинин 305-беренеси (кыйноо) боюнча иликтөө жүрүп жатат.

Быйыл июлда Бишкек шаарында да кыйнагандыгы үчүн айыпталып, үч тартип сакчысынын үстүнөн кылмыш иши козголгон.

2014-жылы Жалал-Абаддын Базар-Коргон районунун эки аймактык инспектору кыйноо боюнча айыпталып,11 жылга камалышкан. (SE)

пикирлерди көрсөт

XS
SM
MD
LG