Эл аралык валюта фонду Боснияга 620 миллион доллар бөлүп берүүнү чечти. Уюмдун 7-сентябрдагы чечимине ылайык, үч жылга эсептелген бул насыя өлкө экономикасындагы реформаларды колдоого багытталат.
Мамлекеттин бюджетиндеги тартыштык 573 миллион долларды түзгөн, борбордук башкаруусу чабал деп эсептелген Босния тышкы жардамдан көз каранды.
Өлкө бийлиги мамлекеттик карызын азайтуу, экономикасында структуралык өзгөртүүлөрдү ишке ашыруу, мамлекеттик ишканаларды реструктуризациялоо жана менчиктештирүү аракетин көрүүдө. (RK)
