3-сентябрда башталган жаш аткаруучулардын популярдуу сынагы бүгүн аяктап, жеңүүчүлөр жарыяланат. Ага 12 мамлекеттен 16 ырчы катышууда. Арасында 21 жаштагы кыргызстандык талант Нурсултан Азыкбаев да бар. Сынактын расмий сайтындагы маалымат боюнча, ал азыр үчүнчү орунда баратат. Жеңүүчүлөр “Хрусталь толкун” эстелигинен тышкары, 1-орунга 50 миң евро, 2-орунга 30 миң евро, 3-орунга 20 миң евро алышат.
Көрөрмандардын тандоосу боюнча мыкты деп табылган ырчы “Бриллиант толкун” сыйлыгына ээ болот. Сынактын жеңүүчүлөрү онлайн добуш берүү менен аныкталат. (NT)
