Линктер

бейшемби, 8-декабрь, 2016 Бишкек убактысы 20:46

Обама: АКШ 11-сентябрь курмандыктарын эч качан унутпайт


Президент Барак Обама Пентагондогу эскерүү иш-чарасы учурунда. Вашингтон, 11-сентябрь, 2016-жыл.

Президент Барак Обама Пентагондогу эскерүү иш-чарасы учурунда. Вашингтон, 11-сентябрь, 2016-жыл.

Кошмо Штаттарда жекшемби күнү 2001-жылдын 11-сентябрындагы террордук чабуулдардын курмандыктары эскерилүүдө.

Президент Барак Обама Пентагондогу эскерүү жыйынында сүйлөгөн учурунда америкалыктардын ар түрдүүлүгүн жогору баалап, аларды ич ара душмандашпоого чакырды.

АКШ 2001-жылдын 11-сентябрында өмүрү кыйылгандарды эч качан унутпай турганын да белгиледи:

- Биз эстейбиз жана бизден мыкаачылык менен алып кетишкен 3000ге жакын өмүрдү, анын ичинде бул жерде (Пентагондо) каза табышкан 184 адамды, балдарды унутпайбыз. Курмандыктардын эң кенжеси болгону үч жашта эле.

“Ал-Каиданын” согушкерлери төрт жүргүнчү учакты карактоо аркылуу жасаган террордук чабуулдардан кийин АКШ алгач Ооганстанга, андан кийин Иракка аскерлерин киргизген.

Бул эки өлкө террорчулардан, козголоңчулардан, согуштан али арыла элек.

Нью-Йоркто кайра курулган Дүйнөлүк соода борборунун жанында мындан 15 жыл мурдагы террордук чабуулдан курман болгондордун ысымдары окулду.

Ал жердеги эскерүү иш-чарасына президенттикке талапкерлер Хиллари Клинтон менен Дональд Трамп дагы келишти. (UE)

Азаттык Фейсбукта

XS
SM
MD
LG