АКШ менен Орусиянын биргелешкен планына ылайык, Курман айт күнү ок атуулар токтотулушу керек. Буга чейин тараптар Сириядагы ок атууну токтотуу жана зомбулукту азайтуу боюнча планын жарыялаган. Бул план күчүнө кирген соң бир апта ичинде АКШ менен Орусия Сириядагы террорчуларга сокку уруучу атайын борбор түзөт. Бирок Сирия оппозициясы өлкө аймагындагы ок атышууну токтотуу боюнча АКШ менен Орусиянын келишими ишке ашарынан күмөн санай турганын билдирүүдө. Расмий Дамаск бул тууралуу эч кандай комментарий бере элек.Сириянын түндүгүндө аскердик операция жүргүзүп жаткан Түркия АКШ-Орусия келишимин колдой турганын жарыялады.
