Линктер

Бириккен Улуттар уюмунун Сирия боюнча атайын өкүлү Стаффан де Мистура 13-сентябрда Женевадагы маалымат жыйында ок атышууларды убактылуу токтотуу жараянынан кийин биринчи суткада эле карапайым элдин арасындагы курмандыктар кескин азайганын билдирди.

- Азыр Алеппо шаарынын козголоңчулар көзөмөлдөгөн райондоруна гуманитардык жүк жеткирүү милдети турат,- деп айтты Стаффан де Мистура.

Ал арада расмий Дамаск Алеппонун көтөрүлүшчүлөр турган райондоруна өзүнүн уруксатысыз жүк жеткирүүгө жол бербей турганын эскертти.

Сириядагы убактылуу элдешүү жараяны 12-сентябрдын кечинде күчүнө кирген. Келишим АКШ жана Орусиянын ортомчулугу менен ишке ашкан. Ок атышпоо режими бир жума бузулбай сакталса, АКШ жана Орусия Сириядагы "Жебхад Ан-Нусра" фронту жана “Ислам мамлекети” террордук тобуна каршы биргелешкен аба соккуларын баштамакчы. Тынчтык келишими аталган эки топко тиешелүү эмес. Алты жылга жакындаган Сириядагы жарандык согуш 250 миңдей адамдын өмүрүн алды.

пикирлерди көрсөт

XS
SM
MD
LG