Линктер

logo-print
ишемби, 03-декабрь, 2016 Бишкек убактысы 10:41

Демократиялык партия: орусиялык хакерлер кайра чабуул жасады


Демократиялык партиянын жыйыны.

Демократиялык партиянын жыйыны.

Демократиялык партиянын Улуттук комитетинин билдирүүсүнө караганда, алардын сервери шайлоо жыйынтыгына таасир этүү максатында орус агенттери тарабынан бузулду. Партиянын серверинен хакерлик чабуул менен алынган документтерге шилтеме 13-сентябрда WikiLeaksтин Твиттердеги баракчасына коюлду. Ал Guccifer 2.0 аттуу хакер тарабынан жасалган.

- Бул кылмыштуу аракеттен пайда көргөн бир гана адам бар, ал Дональд Трамп,- деди Демократиялык партиянын Улуттук комитетинин убактылуу төрайымы Донна Бразил.

Июль айында Демократиялык партиянын ички документтеринин хакерлер тарабынан ачыкка чыгарылышы партиянын төрагасы Дебби Вассерман-Шульцтун кызматтан кетишине алып келген.

- Биз орус агенттери тарабынан уурдалган кошумча документтердин чыгарылышын күтүп жатканбыз,- деди Бразил.

Демократиялык партия жана анын талапкери Хиллари Клинтон 8-ноябрда боло турган шайлоонун алдында WikiLeaks жана башка хакерлер оңтойсуз маалыматтарды чыгарып жиберүүсүнө катуу тынчсызданып жатышканын билдиришкен. (AiT)

Азаттык Фейсбукта

XS
SM
MD
LG