АКШнын демократиялык партиясынын президенттик талапкери Хиллари Клинтон Украинанын президенти Петро Порошенко менен жолугат. Клинтондун шайлоо өнөктүгүн жүргүзгөн топтун билдиришинче, жолугушуу Бириккен Улуттар Уюмунун Башкы ассамблеясынын Нью-Йорктогу жыйынынын алкагында өтөт.
Украинанын расмийлери Порошенко менен жолугушуу өтүнүчү Клинтон менен катар республикачылардын талапкери Дональд Трапмка да жөнөтүлгөнүн, бирок бул чакырууну демократтардын талапкери гана кабыл алганын кабарлашты.
Республикачылардын талапкери Трапм буга чейин Орусиянын президентти Владимир Путинди бир нече ирет кубаттап чыккан. Анын бул аракетин Клинтон айым “коркунучтуу” деп сыпаттаган. (KKs)
