Линктер

Украинанын чыгышындагы жаңжалдан мерт болгондордун саны 9,6 миңге жеткенин бүгүн Бириккен Улуттар Уюму билдирди. Уюмдун адам укуктары боюнча кеңсеси чатак башталган 2014-жылдын апрель айынан бери 9640 киши өлгөнүн, 22431 адам жаракат алганын каттаган.

Мындан тышкары май-август айларында жаңжалдан мерт болгон жөн-жай тургундардын саны ага чейинки үч айга салыштырмалуу көбөйгөн.

“1-сентябрда ок атышпоо келишими калыбына келгенден бери абал бир аз жакшырганы менен эки тараптын ортосундагы аймак кооптуу бойдон кала берүүдө. Муну өткөн жуманын соңундагы окуялар көрсөттү. Карама-каршылык кайрадан башталат деген коркунуч күчтүү”, - деди БУУнун адам укуктары боюнча жогорку комиссары Зейд Раад Аль-Хусейн. (KKs)

пикирлерди көрсөт

XS
SM
MD
LG