Линктер

ишемби, 10-декабрь, 2016 Бишкек убактысы 16:51

Алмазбек Атамбаев Кадыржан Батыровдун качышын иликтөөнү тапшырды


Кадыржан Батыров

Кадыржан Батыров

Президент Алмазбек Атамбаев Башкы прокуратурага 2010-жылы июнь коогасын уюштурган деп айыпталып издөөдө жүргөн Кадыржан Батыровдун чет өлкөгө качышына Убактылуу өкмөттүн мүчөлөрүнүн катыштыгы бар-жогун иликтөө үчүн мекемелер аралык комиссия түзүүнү тапшырды.

Президенттин маалымат кызматынын билдиришинче, Улуттук коопсуздук боюнча мамлекеттик комитеттеги жаңы жагдайларга байланыштуу кечээ 14-сентябрда кылмыш иш козголду жана баш прокурор Индира Жолдубаевга тыкыр иликтөө жүргүзүү тапшырылды.

Атамбаев 31-августта Бишкекте Ала-Тоо аянтында эгемендик майрамында сүйлөгөн сөзүндө Убактылуу өкмөттүн айрым мүчөлөрү Кадыржан Батыров башында турган сепаратисттерди колдогону үчүн жооп берчү күн келет деп эскерткен эле.

Жалал-Абаддагы мурдагы "Эл достугу" университетинин түзүүчүсү Кадыржан Батыров 2010-жылдагы июнь окуясынан кийин Кыргызстандан чыгып кеткен. Ал 2010-жылдагы июнь окуясына күнөлүү деп табылып, сыртынан өмүр бою эркинен ажыратылган. Андан соң бардык мүлкү 2011-жылы соттун чечими менен конфискацияланган. Анын негизинде Батыровго жана анын жубайы Карамат Батыровага таандык 28 объект камакка алынып,кийин соттун чечими менен мамлекеттин пайдасына өткөрүлгөн. (EBM)

Азаттык Фейсбукта

пикирлерди көрсөт

XS
SM
MD
LG