Линктер

бейшемби, 8-декабрь, 2016 Бишкек убактысы 10:26

Дарига Назарбаева Cенат комитетин жетектейт


Казакстан президенти Нурсултан Назарбаев Сенаттын депутаты, кызы Дарига Назарбаева менен.

Казакстан президенти Нурсултан Назарбаев Сенаттын депутаты, кызы Дарига Назарбаева менен.

Казакстандын президенти Нурсултан Назарбаевдин тун кызы Дарига Назарбаева өлкө парламентинин жогорку палатасы -- Сенаттагы Эл аралык мамиле, коргоо жана коопсуздук боюнча туруктуу комитеттин төрагалыгына дайындалды. Бул тууралуу жума күнү парламенттин пленардык жыйынында жарыяланганын жергиликтүү маалымат каражаттары жазышты. Депутаттар Сенаттын төрагасы Касым-Жомарт Токаев сунуштаган Назарбаеванын талапкерлигин бир добуштан колдошкондугу кабарланууда.

Үч күн мурда Дарига Назарбаева вице-премьерликтен Сенаттын депутаттыгына дайындалганы жарыяланган.

Ошондой эле бул жыйында сенаторлор бир добуштан вице-спикерликке көрсөтүлгөн Бектас Бекназаровдун талапкерлигин колдошту. Бул тууралуу “Казинформ” маалымат агенттиги жазды.

Дарига Назарбаева 2015-жылдын сентябрынан бери вице-премьер-министрлик кызматта болчу. Ага чейин казак парламенти - Мажилистин төрага орун басары кызматын аркалаган.

Азаттык Фейсбукта

пикирлерди көрсөт

XS
SM
MD
LG