Украинанын Жогорку Радасы Орусиядагы парламенттик шайлоону мыйзамсыз деп тааныды.
Шейшембиде 264 добуш менен кабыл алынган резолюцияда добуш берүүлөр Украинага таандык Крым жарым аралында да өткөнү үчүн шайлоо легитимсиз экени белгиленген. Мыйзам чыгаруучулар эл аралык коомчулукту да ушундай чечим кабыл алууга үндөшкөн.
Орусия 2014-жылдан бери Крымда биринчижолу шайлоо өткөрдү.
Алдын ала жыйынтыктар боюнча, шайлоодо бийликтеги “Бирдиктүү Орусия” партиясы добуштардын жарымынан көбүн алды. (KKs)