Линктер

жекшемби, 11-декабрь, 2016 Бишкек убактысы 03:07

Азербайжанда өткөн референдум Алиевдин башкаруу мөөнөтүн узартты


Азербайжанда дүйшөмбү күнкү референдумга катышкан шайлоочулардын 90 пайыздан көбү президенттик мөөнөттү 5 жылдан 7 жылга узартууга макул деп добуш беришти.

Референдумга жалпысынан 29 маселе коюлган. Алардын эң негизгиси азыркы президент Илхам Алиевдин мамлекет башчы кызматындагы мөөнөтүн узартуу болчу.

2003-жылы атасынан кийин президенттикти ээлеген Алиевдин мөөнөтү эми 2018-жылы эмес, 2020-жылга чейин узарды.

Референдумдун расмий жыйынтыгы октябрда жарыяланат. Алгачкы эсептөөлөр катталган шайлоочулардын 70% добуш бергенин көрсөтүүдө.

Эл аралык уюмдар бул өнөктүктү мунайга бай мамлекеттин азыркы жетекчилиги өз бийлигин бекемдөө жана оппозиция өкүлдөрүн жолотпоо максатында атайын уюштурду деп айыптап жатат. (RK)

Азаттык Фейсбукта

XS
SM
MD
LG