Жекшемби күнү Венгрияда Европа Биримдигинин мигранттарды квота менен бөлүштүрүү тартиби боюнча референдум өткөрүлдү. Добуш берүүгө катышкандар квотаны Биримдик чечиш керекпи деген суроого жооп бериш керек эле. Референдумга катышкандардын 99% добушу саналып бүттү. Анын жыйынтыгында 98% Европа Биримдигинин квота бөлүшүнө каршы чыккан.
Бирок референдумга шайлоочулардын 43% гана катышкан. Ал болду деп табылыш үчүн кеминде 50% катышууга тийиш эле. Венгрия өкмөт башчысы Виктор Орбан “биз мыкты натыйжага жетиштик”, ал “Брюсселге каршы курч курал болуп берет” деп 3-октябрда билдирди. Референдумдун болбой калышына карабай, Виктор Орбан элдин пикирин эске алуу менен Венгрия конституциясына өзгөртүү киргизүүнү сунуштарын белгиледи. (AiT)