Линктер

logo-print
дүйшөмбү, 05-декабрь, 2016 Бишкек убактысы 06:32

Тажикстанда депутаттар алгач ирет ант беришти


Депутаттардын ант берүү аземи.

Депутаттардын ант берүү аземи.

Тажикстан парламентинин 63 депутаты улуттун кызыкчылыгын өзүнүкүнөн бийик коюп, мыйзамдарды ак ниеттүүлүк менен иштеп чыгууга жана кабыл алууга убада беришти.

Депутаттардын ант берүү аземи парламенттин төмөнкү палатасынын үчүнчү сессиясынын биринчи күнүндө өттү.

Ар бир депутат мамлекет менен калктын кызыкчылыгын өзүнүкүнөн жогору коюуга, Конституцияга жана өлкөнүн башка мыйзамдарына ылайык иш жүргүзүүгө, бардык күчүн, билимин, тажрыйбасын Тажикстандын экономикалык жана социалдык өнүгүшү үчүн жумшоого милдеттенме алды. Мындан тышкары улуттук биримдикти жана мамлекеттик көз карандысыздыкты бекемдөөгө, адамдардын эркиндигин жана укуктарын камыздоого, мыйзамдарды иштеп чыгууга жана кабыл алууга жигердүү катышууга сөз беришти.

Намояндагон Мажлисинин депутаттары алгач ирет ант берип жатышат. Айрым эл өкүлдөрү бул алардын жоопкерчилигин жогорулатат деп эсептейт.

Жаңы Конституцияга ылайык, парламент депутаттары эл алдында ант берүүсү керек. Буга кошумча Тажикстан өкмөтүнүн анты өлкө президентине багытталат.

Азаттык Фейсбукта

XS
SM
MD
LG